हो.. फरक पडतो…!

यंदाची लोकसभा निवडणूक ही खऱ्या अर्थाने तंत्रज्ञानाचा फायदा घेणारी निवडणूक ठरणार आहे. यापूर्वीच्या काळात ज्यांनी निवडणूक कामकाज केले आहे, अशा सर्वांना ही निवडणूक नवा अनुभव देणारी ठरणार हे निश्चित आहे. तंत्राच्या क्रांतीमुळे पूर्वीच्या मतपेट्या आणि मतपत्रिका छपाई अशा खूप मोठ्या व्यापातून सर्वांची सुटका झालेली आहे. याच पार्श्वभूमीवर मतदारांची मानसिकता देखील महत्वाची ठरणारी आहे. काय फरक पडतो माझ्या एका मताने… असा विचार करणारा मतदार आता मतदान करण्यास ऊत्सुक असल्याचे सकारात्मक चित्र यंदा दिसत आहे. यामागेही तंत्राची प्रगती हेच कारण आहे. गेल्या दशकभरात मुद्रीत माध्यमांसोबत इलेक्ट्रॉनिक माध्यमांचा मोठ्या प्रमाणावर विस्तार झाला. वृत्तवाहिन्यांची संख्या वाढली. आऊटडोअर ब्रॉडकास्टींग व्हॅन्स अर्थात ओ.बी.व्हॅन्सची जागा आता सॅटेलाईट लिंकिंग किट्सनी घेतल्याने प्रक्षेपण क्षेत्रात क्रांती आली. यामुळे कोणत्याही ठिकाणावरुन थेट प्रक्षेपणासाठी लागणारे मनुष्यबळ तसेच खर्च यात कपात झाली. परिणामी छोट्या छोट्या ठिकाणांवरुन थेट प्रक्षेपण आपल्याला बघायला मिळत आहे. दुसऱ्या बाजूला यंदा प्रथमच संवेदनशील मतदान केंद्रांवर होणार असलेल्या मतदानावर निवडणूक आयोग वेबकास्टींगच्या मदतीने थेट लक्ष ठेवणार आहे. यामुळे निवडणूक प्रक्रीया अतिशय पारदर्शी होणार आहे. याचाही सकारात्मक परिणाम निवडणुकीत आपणास दिसेल, लोकांची नकारात्मक व उदासीन मानसिकता यामुळे निश्चितपणे दूर होणार आहे. यंदाच्या निवडणुकीत आणखी एक महत्वाचा बदल दिसणार आहे तो म्हणजे मतदान करण्यासाठी ज्या पोलचिटस् (Voter Slip) चा वापर होतो, त्या फोटो पोलचिटस् निवडणूक यंत्रणा मतदारांना स्वत: देणार आहे. यापूर्वी राजकीय पक्ष या प्रकारचे काम करताना दिसत होते. निवडणूक आणि खर्च असंही एक गणित आहे. यंदा उमेदवारांना आयोगाने खर्चाची मर्यादा वाढवून दिली आता ती 70 लाख झाली आहे. याचा फायदा उमेदवार उचलत आहेत. त्यामुळे अर्थव्यवस्थेला गती प्राप्त झाल्याचे चित्र दिसत आहे. या माध्यमातून जनतेपर्यंत ते पोहचत आहेत. दुसऱ्या बाजूला निवडणूक आयोगाने मोठ्या प्रमाणावर जनजागृती मोहीम राबवलेली आहे. इंटरनेटच्या माध्यमातून फेसबूक व ट्विटर सारख्या सोशल मीडियातूनही याबाबत प्रचार व प्रसाराचे कार्य होत आहे. या सर्व बदलांसह येणाऱ्या निवडणुकीत ज्याला राजा म्हटले जाते अशा मतदार राजाला पटलं पाहिजे की… 'हो… माझ्या एका मतानेही फरक पडतो….' म्हणजेच निवडणुकीतील मतांचा टक्का वाढेल. -प्रशांत दैठणकर, जिल्हा माहिती अधिकारी, बुलढाणा.

विभागीय आयुक्तांकडून माध्यम कक्षाची पाहणी

बुलडाणा : विभागीय आयुक्त डी. आर. बनसोड यांनी आज 05- बुलडाणा लोकसभा मतदारसंघासाठी स्थापित माध्यम कक्षात भेट देऊन माहिती घेतली. यावेळी त्यांच्यासमवेत अमरावती परिक्षेत्राचे पोलिस महानिरीक्षक बिपीन बिहारी, जिल्हाधिकारी किरण कुरुंदकर, जिल्हा पोलिस अधीक्षक श्यामराव दिघावकर, सहायक निवडणूक अधिकारी एस. ए. खांदे आदी उपस्थित होते. माध्यम कक्षाचे प्रमुख असलेले जिल्हा माहिती अधिकारी प्रशांत दैठणकर यांनी त्यांचे स्वागत केले. तसेच माध्यम कक्षात होत असलेल्या कामकाजाची माहिती दिली. बुलडाणा जिल्ह्याच्या निवडणूक कामकाजासाठी तयार करण्यात आलेल्या ब्लॉगची त्यांनी यावेळी पाहणी केली. www.election2014buldana.blogspot.in या संकेतस्थळावर जिल्ह्यातील सर्व माहिती तात्काळ उपलब्ध करुन देण्यात येते. सोबतच एसएमएस आणि व्हॉटस्अप व फेसबूक यासारख्या माध्यमांचा आणि माहिती व जनसंपर्क महासंचालनालयाच्या महान्यूजचा बातम्यांसाठी उपयोग केला जातो, अशीही माहिती त्यांना देण्यात आली. याबाबत त्यांनी समाधान व्यक्त केले. याच कक्षात माध्यम प्रमाणिकरण व सनियंत्रण समितीचे कामकाज चालते. या समितीने आतापर्यंत 27 दृकश्राव्य जाहिरातींना मंजुरी दिली असून 3 जाहिराती मंजूर केल्या आहेत, अशी माहिती श्री. दैठणकर यांनी यावेळी दिली. मतदानाचे प्रमाण वाढावे याकरिता करण्यात येणाऱ्या उपक्रमांबाबतही त्यांनी जाणून घेतले.

निवडणूक कामकाजात कसूर केल्यास कठोर कारवाई करणार - डी.आर. बनसोड

बुलडाणा : मतदान कर्मचारी व अधिकारी यांनी नि:पक्षपाती काम करावे. कर्तव्यात कसूर आढळली तर अतिशय कठोर कारवाई करण्यात येईल, असे विभागीय आयुक्त डी. आर. बनसोड यांनी सांगितले. लोकसभा निवडणुकीच्या पार्श्वभूमीवर 05- बुलडाणा लोकसभा मतदारसंघातील मतदान पूर्वतयारी आढावा श्री. बनसोड यांनी आज अमरावती परिक्षेत्र पोलिस महानिरीक्षक बिपीन बिहारी यांच्या समवेत घेतला. जिल्हाधिकारी कार्यालयाच्या सभागृहात ही आढावा बैठक झाली. जिल्हाधिकारी तथा जिल्हा निवडणूक निर्णय अधिकारी किरण कुरुंदकर यांनी पॉवर पॉईन्ट सादरीकरणाद्वारे या निवडणुकीसाठी करण्यात आलेल्या तयारीची माहिती दिली. यावेळी पोलिस अधीक्षक श्यामराव दिघावकर यांनीही पोलिस दलाच्या तयारीबाबत आढावा सादर केला. निवडणुकीसाठी नियुक्त कर्मचारी याच लोकसभा मतदारसंघातील आहेत. अनेक वर्षे जिल्ह्यात काम करत असल्याने राजकीय मत प्रत्येकाला असते. यातून पक्षपाती कामकाज होण्याचा धोका आहे. कुठल्याही कर्मचाऱ्याने पक्षपात करु नये व मतदारांना मुक्त व निर्भय वातावरणात मतदान करु द्यावे. कोणी पक्षपात करताना आढळला किंवा तशी तक्रार याबाबत आली व ती सिद्ध झाली तर त्या कर्मचाऱ्यास दीर्घ अशी शिक्षा भोगावी लागेल याची जाणीव सर्वांनी ठेवावी, असे श्री. बनसोड यांनी यावेळी सांगितले. मतदारांना मतदान केंद्रात पोहोचणे शक्य व्हावे याची खबरदारी सर्व केंद्र प्रमुखांनी घ्यावी. तसेच उन्हाचे दिवस लक्षात घेता त्यांना मंडप वगैरेची व्यवस्था आणि पिण्याच्या पाण्याची व्यवस्था असावी, असे सांगून श्री. बनसोड म्हणाले, अपंगांसाठी रॅम्पची व्यवस्था असणेही आवश्यक आहे. या सर्व बाबींची खबरदारी सहायक निवडणूक निर्णय अधिकाऱ्यांनी घ्यावी. मतदान सुरळीतपणे पार पाडण्यासाठी मतदान केंद्रापासून 200 मीटर अंतरावर पांढरी रेघ असावी. त्यापुढेच पक्षांना तंबू लावता येतील. याचे अगदी काटेकोरपणे पालन झाले तर मतदान शांततेत पार पडेल. मतदान प्रक्रिया पारदर्शी व सुव्यवस्थित पार पाडण्यासाठी “मॉक पोल” घ्यावे, अशा सूचना निवडणूक आयोगाने दिल्या आहेत. प्रत्येक मतदान केंद्राध्यक्षाने अशी रंगीत तालीम घ्यावी व त्याचे रेकॉर्ड ठेवावे, अशा सूचना त्यांनी यावेळी दिल्या. मतदान केंद्राच्या सुरक्षिततेप्रमाणेच ईव्हीएम वाहतूक आणि मतदानानंतर स्ट्रॉग रुममध्ये ईव्हीएमची सुरक्षा आदींबाबत श्री. कुरुंदकर यांनी माहिती दिली. माध्यम प्रमाणिकरण व सनियंत्रण समितीने आपले काम करताना स्थानिक स्तरावर होत असलेले पेडन्यूजचे प्रकार शोधून त्याबाबत गुन्हे तात्काळ दाखल करण्याचे निर्देश आयुक्तांनी यावेळी दिले. अशा प्रकारच्या बातम्या शोधून काढाव्याच लागतील, जेणेकरुन पेडन्यूजला उघड करता येईल. मतदानाच्या 36 तास आधी मद्य आणि पैशांचे वाटप होण्याची शक्यता लक्षात घेऊन निवडणूक यंत्रणा आणि पोलिस यंत्रणा यांनी सतर्क राहून धाडी टाकल्या पाहिजेत. त्यामध्ये कारवाई करुन अशा प्रकारांना आळा बसवावा, असेही ते म्हणाले.

जिल्हाधिकांऱ्यानी केली स्ट्राँग रुमची पाहणी

बुलडाणा : लोकसभा निवडणुकीच्या पार्श्वभूमीवर प्रशासन पूर्ण सज्ज झाले आहे. मतदानानंतर मतपेट्या ठेवण्यासाठी तयार करण्यात आलेल्या स्ट्राँग रुमची पाहणी आज जिल्हाधिकारी तथा जिल्हा निवडणूक अधिकारी किरण कुरुंदकर यांनी केली. यावेळी अपर जिल्हाधिकारी चिंतामणी जोशी तसेच पोलिस उपअधीक्षक (गृह) श्री. मोरे हे त्यांच्या समवेत होते. बांधकाम विभागाचे कार्यकारी अभियंता बाळासाहेब ठेंग यांच्याकडे स्ट्राँग रुम आणि मतमोजणी कक्ष उभारणी करण्याची जबाबदारी देण्यात आली आहे. मोताळा रोडवरील शासकीय आयटीआयमध्ये याची उभारणी सुरु आहे. या ठिकाणी ज्या खोल्यांमध्ये या मतपेट्या 36 दिवस संरक्षित ठेवायच्या आहेत, त्या खोल्यांना कडेकोट बंदोबस्त देण्याचे काम या ठिकाणी होणार आहे. मतपेट्यांच्या सुरक्षिततेसाठी या खोल्यांमधील वीजप्रवाह बंद करण्यात येणार असून आत सी.सी.टी.व्ही. देखील बसविण्यात यावेत, असे निर्देश श्री. कुरुंदकर यांनी यावेळी दिले. मतमोजणी केंद्राचे छत बदलण्याचे काम सध्या सुरु आहे. त्या जागेवरील फरशी पूर्ण उखडली असून ती देखील बदलण्याचे निर्देश जिल्हाधिकाऱ्यांनी यावेळी दिले. या ठिकाणी मतमोजणी कर्मचारी आणि उमेदवार प्रतिनिधी यांच्यासाठी स्वतंत्र प्रवेश व्यवस्था व सर्वत्र मजबूत बॅरिकेट्स उभारण्यात येणार आहेत.

अतिसंवेदनशील मतदान केंद्रांवर सुक्ष्म निरीक्षक नेमावेत - किरण कुरुंदकर

बुलडाणा : 05- बुलडाणा व 04- रावेर मतदारसंघातील अतिसंवेदनशील मतदान केंद्रांची संख्या 9 असून या ठिकाणी केंद्र सरकारी कार्यालयातील कर्मचारी किंवा अधिकारी यांना सुक्ष्म निरीक्षक म्हणून नेमण्याचे निर्देश जिल्हाधिकारी तथा जिल्हा निवडणूक निर्णय अधिकारी किरण कुरुंदकर यांनी दिले. यासंदर्भात झालेल्या सभेस पोलिस अधीक्षक श्यामराव दिघावकर, अपर जिल्हाधिकारी चिंतामणी जोशी, उपजिल्हा निवडणूक निर्णय अधिकारी रमेश घेवंदे व निवासी उपजिल्हाधिकारी बी. के. इंगळे उपस्थित होते. या सर्व अतिसंवेदनशील केंद्रांवर भारत निवडणूक आयोगाच्या निर्देशानुसार सर्व मतदान प्रक्रियेचे व्हिडिओ चित्रिकरण करण्यात येणार आहे. त्याचप्रमाणे येथे गृह विभागातर्फे सी.आर.पी.एफ जवानांची नियुक्ती करण्याच्या सूचनाही त्यांनी दिल्या. ही अतिसंवेदनशील मतदान केंद्र पुढीपप्रमाणे आहेत. विधानसभा मतदारसंघाचे नाव व क्रिटीकल मतदान केंद्र क्रमांक व नाव पुढील प्रमाणे :- 23-चिखलीमध्ये 20-जि.प.शाळा वैरागड व 21-जि.प.शाळा वैरागड, 24-सिंदखेडराजामध्ये 158-जि.प.शाळा गोंधनखेड, 25-मेहकरमध्ये 148-न.प.शाळा क्र.1 इमामवाडा मेहकर, 26-खामगावमध्ये 152-न.प.ऊर्दू शाळा, टिळक मैदान खामगाव, 27-जळगाव जामोदमध्ये 37- वडगाव व 83-सगोडा, 21-मलकापूरमध्ये 153-जि.प.ऊर्दू शाळा गांधी चौक मलकापूर व 101-नांदुरा.

मतदारांना घरपोच निवडणूक पत्रिका मिळणार - जिल्हाधिकारी

बुलडाणा : मतदारांनी अधिकाअधिक प्रमाणात मतदान करावे आणि मतदानाची टक्केवारी वाढावी यासाठी जिल्ह्यात प्रत्येक मतदारापर्यंत पोहोचून निवडणूक पत्रिका वाटण्यात येणार आहेत, अशी माहिती जिल्हाधिकारी तथा जिल्हा निवडणूक निर्णय अधिकारी किरण कुरुंदकर यांनी दिली. भारत निवडणूक आयोगातर्फे मतदार जागृतीचा कार्यक्रम आयोजित करण्यात आला आहे. याबाबत विभागीय आयुक्त डी. आर. बनसोड यांनी घेतलेल्या आढावा बैठकीत श्री. कुरुंदकर बोलत होते. जिल्ह्यात 15 लाख 86 हजार 192 निवडणूक पत्रिका (पोलचिटस्) छापून घेण्यात आल्या आहेत. या पोलचिटस् बिएलओ अर्थात बुथ लेव्हल ऑफिसर यांना देण्यात आल्या असून हे बिएलओ येत्या चार दिवसात घरोघरी भेट देऊन मतदारांना पोहोचविणार आहेत. जिल्ह्यात अधिकाअधिक मतदारांपर्यंत पोहोचण्याचा एक प्रयत्न म्हणून जिल्हाधिकारी या नात्याने नागरिकांना एक पत्र लिहिले व लेटरहेडवरील या पत्राच्या 1 लाख 5 हजार प्रती वृत्तपत्र विक्रेता संघटनेच्या माध्यमातून घराघरात पोहोचल्या आहेत, अशीही माहिती त्यांनी यावेळी दिली.

मतदान करण्याचा संदेश देणाऱ्या रॅलीला सुरुवात

बुलडाणा : आजचे विद्यार्थी हे उद्याचे मतदार आहेत. मतदान करावे असा संदेश विद्यार्थ्यांकरवी पालकांना देण्यासाठी आज मतदार जागृती अभियान रॅलीचे आयोजन जिजामात प्रेक्षागार येथून करण्यात आले होते. यावेळी जिल्हाधिकारी किरण कुरुंदकर यांनी हिरवी झेंडी दाखवून रॅलीची सुरुवात केली. विद्यार्थी-विद्यार्थिनी तसेच नागरीक रॅलीत सहभागी झाले होते. रॅलीमध्ये प्रथम स्थानी जागृती रथ होता. रॅलीत मतदान करा असा संदेश दिला गेला. मतदानाचे प्रमाण वाढावे याकरिता भारत निवडणूक आयोगातर्फे विविध उपक्रम राबविण्यात येत आहेत. याचा एक भाग म्हणून बुलडाणा शहरात, जिल्ह्यात, सर्व शहरांमध्ये व मोठ्या गावांमध्ये जनजागृतीचे आयोजन करण्यात आल्याचे श्री. कुरुंदकर यांनी सांगितले. रॅलीमध्ये राजस्थानी युवा संस्थेचे अध्यक्ष ॲड. जितेंद्र कोठारी, सचिव अजय लाहोटी यांनी जागृत रथ तयार केला होता. त्यांचा हा उपक्रम कौतुकास्पद असल्याचे त्यांनी यावेळी सांगितले. सदर रॅली संगम चौक-जयस्तंभ चौक-बाजार लाईन-महावीर चौक मार्गाने निघून रॅलीचे एडेड शाळेच्या प्रांगणात विसर्जण करण्यात आले. सदर रॅलीमध्ये जिल्हाधिकारी तथा निवडणूक अधिकारी, उपजिल्हा निवडणूक अधिकारी, मुख्य कार्यकारी अधिकारी, शिक्षणाधिकारी व शिक्षण विभागातील कर्मचारी इतर मान्यवर उपस्थित होते. सदर रॅलीमध्ये बुलडाण्यातील शिवाजी हायस्कूल, एडेड हायस्कूल, भारत विद्यालय, प्रबोधन विद्यालय, उर्दू हायस्कूल, जिल्हा परिषद हायस्कूल, शिंदे गुरुजी हायस्कूल, रुखाई कन्या शाळा, शारदा ज्ञानपीठ, अब्दुल हमीद हायस्कूल, मौलाना आझाद हायस्कूल, भगवान महावीर विद्यालय, सरस्वती विद्यालय, महात्मा फुले विद्यालय, राजर्षी शाहू विद्यालय, नॅशनल हायस्कूल इत्यादी शाळांचे 6500 विद्यार्थी उपस्थित होते. रॅलीच्या यशस्वीतेसाठी राजस्थानी युवा बहुउद्देशीय संस्था यांच्या वतीने अध्यक्ष ॲड. जितेंद्र कोठारी, उपाध्यक्ष राजेंद्र मालू, कोषाध्यक्ष पंकज अग्रवाल, सचिव अजय लाहोटी, सहसचिव मनिष वर्मा व सदस्य डॉ. दिनेश अग्रवाल, अविनाश जैन, संजय तातेड, दिनेश छाजेड, विजय शर्मा, अजय अग्रवाल, अजय शर्मा, अनिल वर्मा यांनी परिश्रम घेतले.

महिलांचे मतदान वाढावे यासाठी विशेष प्रयत्न - जिल्हा निवडणूक निर्णय अधिकारी

बुलडाणा : महिलांचा मतदानातील सहभाग वाढावा यासाठी आशा तसेच अंगणवाडी सेविकांच्या मदतीने गावागावात मोहीम राबवावी आणि हे प्रमाण वाढेल याची खात्री करुन घ्यावी, असे आवाहन जिल्हाधिकारी तथा जिल्हा निवडणूक निर्णय अधिकारी किरण कुरूंदकर यांनी केले. महिलांचा मतदानात असणारा सहभाग जिल्ह्यात कमी आहे. 2009 च्या लोकसभा निवडणुकीत स्त्री मतदानाचे प्रमाण पुरुष मतदानाच्या तुलनेत दहा टक्क्याहूनही कमी झालेले होते. याच्या कारणांचा तपास करुन योग्य त्या उपाययोजना करण्याच्या सूचना त्यांनी दिल्या. यासंदर्भात आज जिल्हाधिकाऱ्यांच्या कक्षातील एका विशेष बैठकीत श्री. कुरुंदकर बोलत होते. जिल्हा परिषदेचे मुख्य कार्यकारी अधिकारी ओमप्रकाश देशमुख, उपमुख्य कार्यकारी अधिकारी (महिला व बालकल्याण) श्री. कऱ्हाळे, प्रकल्प संचालक ग्रामीण विकास यंत्रणा अनुप शेंगुलकर, उपजिल्हा निवडणूक अधिकारी रमेश घेवंदे, जिल्हा माहिती अधिकारी प्रशांत दैठणकर आदी या बैठकीस उपस्थित होते. गावात सातत्याने महिलांच्या बैठका घेऊन आशा व अंगणवाडीताई यांच्या मदतीने त्यांना मतदानासाठी प्रोत्साहित करणे आवश्यक आहे. त्यासोबत सक्रीय महिला मंडळे आणि महिला बचतगट तसेच माविमच्या माध्यमातून महिला मतदारांना मतदानासाठी प्रवृत्त करणे गरजेचे असल्याचे श्री. कुरूंदकर यांनी सांगितले. मतदार जागृतीच्या उपक्रमाचा एक भाग म्हणून श्री. कुरुंदकर यांनी मतदारांना लिहिलेले अनौपचारिक छापील पत्र आज वृत्तपत्रांमधून घराघरात पोहोचले आहे. याच्या धर्तीवर महिला मतदारांना आवाहन करणारे जिल्हाधिकारी व मुख्य कार्यकारी अधिकारी यांच्या स्वाक्षरीचे एक पत्र पाठविण्यात यावे, असे निर्देश जिल्हाधिकाऱ्यांनी यावेळी दिले. वृत्तपत्रे तसेच केबल वाहिन्या आणि इतर माध्यमांतून मतदार जागृतीचे उपक्रम सुरु आहेत. त्यातही महिला मतदारांना प्रोत्साहित करुन त्यांना मतदानासाठी प्रवृत्त करण्यासाठी विशेष प्रयत्न येत्या काळात करण्याच्या सूचना श्री. कुरुंदकर यांनी दिल्या.

मतदान केंद्रांच्या इमारतीमध्ये बदल - किरण कुरुंदकर

बुलडाणा : लोकसभा निवडणूक-2014 साठी मतदारांना मतदान करण्यासाठी जास्त दूर जावे लागत होते. तसेच काही केंद्र गावापासून दूर असल्यामुळे मतदारांची अडचण लक्षात घेता त्यामध्ये बदल करण्यात आल्याची माहिती जिल्हाधिकारी तथा 05-लोकसभा मतदारसंघाचे जिल्हा निवडणूक निर्णय अधिकारी किरण कुरुंदकर यांनी दिली. मतदारांची अडचण लक्षात घेऊन 25-मेहकर, 26-खामगाव विधानसभा मतदारसंघ क्षेत्रातील केंद्राच्या इमारतींमध्ये बदल केला आहे. त्यास भारत निडणूक आयोगाने मान्यता प्रदान केली आहे. 25-मेहकर (अ.जा) विधानसभा मतदारसंघ मतदान केंद्र क्र. 75- माळखेड – माळखेड या केंद्राला यापूर्वी हिवरखेड व वर्दडा गावचे मतदार जोडण्यात आलेले होते. परंतु माळखेड आणि हिवरखेड या गावांमध्ये पाझर तलाव तसेच शेततळे झाल्यामुळे सदर गावच्या मतदारांना मतदानासाठी येण्याकरिता 8 कि.मी. अंतर निर्माण झालेले आहे. त्यामुळे हिवरखेड या गावासाठी मतदान केंद्र क्रमांक 75 हे हिवरखेड येथे स्थलांतरित करण्याबाबत मान्यता प्राप्त झालेली आहे. केंद्र क्रमांक 75-माळखेडमध्ये यापूर्वी असलेले वर्दडा येथील मतदार हे मतदान केंद्र क्रमांक 76-माळखेडला जोडण्यात आलेले आहेत. कारण वर्दडा हे गाव माळखेडला जवळ आहे. 215-पारडी – यापूर्वी मतदान केंद्र क्र. 215-पारडी या मतदान केंद्राला बोराखेडी येथील मतदार संलग्न करण्यात आलेले होते. परंतु पारडी व बोराखेडी या गावामध्ये धरण झाल्यामुळे बोराखेडी येथील मतदारांना पारडी येथे येण्यास 10 कि.मी. अंतर निर्माण झाले आहे. त्यामुळे यापूर्वी पारडी येथे असलेले मतदान केंद्र क्रमांक 215 हे बोराखेडी येथे स्थलांतरित करण्याबाबत मान्यता प्राप्त झालेली आहे. मतदान केंद्र क्रमांक 215 ला यापूर्वी जोडण्यात आलेले पारडी येथील मतदार 214 पारडी या मतदान केंद्राला संलग्न करण्यात आलेले आहे. 26-खामगाव विधानसभा मतदारसंघ मतदान केंद्र क्र. 17- खोलखेड – खोलखेड येथील जिल्हा परिषद मराठी शाळेची इमारत पडल्यामुळे सदर मतदान केंद्र जिल्हा परिषद मराठी शाळा नवीन इमारत खोली क्र.-1 खोलखेड मध्ये घेण्यास मान्यता प्राप्त झालेली आहे. मतदान केंद्र क्र. 134, 135 व 136- खामगाव – छत्रपती शिवाजी महाराज नगरपरिषद मराठी शाळा क्र.2 खामगावची इमारत पाडल्यामुळे त्याच शाळेच्या आवारात खालील ठिकाणी मतदान केंद्र घेण्यास मान्यता प्राप्त झालेली आहेत. तसेच 134-खामगाव- नगरपरिषद, आयुर्वेदिक दवाखाना खामगाव, 135-खामगाव-महाराष्ट्र कामगार कल्याण केंद्र इमारत खामगाव, 136-खामगाव-छत्रपती शिवाजी महाराज नगरपरिषद मराठी शाळा नंबर-2 नवीन इमारत खोली नं. 1 खामगाव या ठिकाणीही मान्यता प्राप्त झालेली आहे.

संग्राह्य अशी निवडणूक पूर्वपीठिका - किरण कुरुंदकर

बुलडाणा : अतिशय उत्तम अशी आकडेवारी व माहिती असलेली निवडणूक पूर्वपीठिका पत्रकार, अभ्यासक तसेच संशोधक यांना उपयोगी ठरेल, असे प्रतिपादन जिल्हाधिकारी किरण कुरुंदकर यांनी केले. लोकसभा निवडणूक-2014 पूर्वपीठिका पुस्तिकेचे प्रकाशन आज जिल्हाधिकारी तथा 05-लोकसभा मतदारसंघाचे जिल्हा निवडणूक निर्णय अधिकारी किरण कुरुंदकर यांचे हस्ते झाले. यावेळी उपमुख्य कार्यकारी अधिकारी ओमप्रकाश देशमुख, उपजिल्हा निवडणूक अधिकारी रमेश घेवंदे, जिल्हा माहिती अधिकारी प्रशांत दैठणकर, उपमुख्य कार्यकारी अधिकारी श्री. कुऱ्हाळे, प्र. माहिती सहाय्यक प्रकाश माळोदे आदी उपस्थित होते. पत्रकारांना व नागरिकांना मागील निवडणुकीची आकडेवारी सहज उपलब्ध व्हावी यादृष्टीने ही पूर्वपीठिका उपयुक्त आहे. तसेच ती पुस्तिका संग्रही ठेवण्यालायक असून राजकीय चित्र स्पष्ट करणारी आहे, असे कौतुकही श्री. कुरुंदकर यांनी केले. बुलडाणा लोकसभा मतदारसंघातील आवश्यक मतदान कर्मचारी, पोलिंग स्टेशनची माहिती, लोकसभा निवडणूक 1991, मतदान लोकसभा निवडणूक 1996, लोकसभा निवडणूक 1998, लोकसभा निवडणूक 1999, लोकसभा निवडणूक 2004 आणि लोकसभा निवडणूक 2009 यांच्या तपशिलासह उमेदवारांना मिळालेली मतांची आकडेवारी देण्यात आली आहे. लोकसभा निवडणुकीसाठी यंत्रणा सज्ज – किरण कुरुंदकर, बुलडाणा कायदा व सुव्यस्था मजबूत – जिल्हा पोलिस अधीक्षक शामराव दिघावकर यांची मुलाखत असून राजकीय पक्षांनी काय करावे व काय करु नये याबाबत मार्गदर्शक तत्त्वे, पत्रकांची यादी, मतदार जागृती कार्यक्रम अशा विविध माहितीचा समावेश त्यात असल्याचे श्री.त दैठणकर यांनी सांगितले. यावेळी दूरदर्शनचे प्रतिनिधी युवराज वाघ, ABP माझाचे संदीप शुक्ला तसेच तरुण भारताचे मुकूंद जोशी आदींची उपस्थिती होती

मतदानयंत्रे मतदारसंघात पाठविण्याचे काम पूर्ण - किरण कुरुंदकर

बुलडाणा : लोकसभा निवडणुकीसाठी विधानसभा क्षेत्रनिहाय मतदान यंत्रे तयार करणे आणि त्या सिलबंद करुन त्या विधानसभा क्षेत्राच्या मुख्यालयास पाठवण्याचे कामकाज आज पार पडले, अशी माहिती जिल्हाधिकारी तथा जिल्हा निवडणूक निर्णय अधिकारी किरण कुरुंदकर यांनी दिली. येथील जिल्हा क्रीडा संकुलाच्या बॅडमिंटन सभागृहात हे कामकाज सकाळी निवडणूक निरीक्षक मोहन चक्रवर्ती यांच्या उपस्थितीत सुरु करण्यात आले. यावेळी अपर जिल्हाधिकारी चिंतामणी जोशी, उपजिल्हा निवडणूक निर्णय अधिकारी रमेश घेवंदे यांची उपस्थिती होती. प्रारंभी मतपेट्या सभागृहात आणण्यात आल्या. त्यांनतर उमेदवार आणि राजकीय पक्षांचे प्रतिनिधी यांच्या उपस्थितीत पेट्यांचे सिल काढण्यात आले. यात निवडणूक नियमावलीनुसार मतदार याद्या व उमेदवारांचे चिन्ह असणाऱ्या मतमत्रिका भरण्यात येवून मतदानयंत्रे सिल करण्याचे कामकाज सुरु झाले. यंदा मतदारसंघात 17 उमेदवार निवडणूक रिंगणात आहेत. याबरोरबच वरीलपैकी एकही नाही असे ‘नोटा’ नकाराधिकार असणारे बटनही या मतपत्रिकेत आहे. उमेदवारांची संख्या वाढली असल्याने यावेळी दोन मतदान यंत्रे लागणार आहेत, त्याची माहिती सर्वांना देण्यात आली.

मतदान केंद्राच्या इमारतीमध्ये बदल - जिल्हाधिकारी किरण कुरुंदकर

   लोकसभा निवडणूक-2014 साठी मतदारांना मतदान करण्यासाठी जास्त दुर जावे लागत होते. तसेच काही केंद्र गांवापासून दूर असल्यामुळे मतदारांची अडचण लक्षात घेता त्यामध्ये बदल करण्यात आल्याची  माहिती  जिल्हाधिकारी तथा जिल्हा निवडणूक निर्णय अधिकारी 05-लोकसभा मतदारसंघ किरण कुरुंदकर यांनी दिली.

                        मतदाराची अडचन लक्षात घेवून 25-मेहकर, 26-खामगांव विधानसभा मतदारसंघ क्षेत्रात केंद्राच्या इमारतींमध्ये बदल झाला त्यास भारत निडणूक आयोगाने मान्यता प्रदान केली आहे.

                       

25-मेहकर (अ.जा) विधानसभा मतदारसंघ

                        मतदान केंद्र क्र.75-माळखेड – माळखेड या केंद्राला यापुर्वी हिवरखेड व वर्दडा गावचे मतदार जोडण्यात आलेले होते. परंतु माळखेड आणि हिवरखेड या गांवाच्या मध्ये पाझर तलाव तसेच शेततळे झाल्यामुळे सदर गांवच्या मतदारांना मतदानासाठी येण्याकरीता 8 कि.मी. अंतर निर्माण झालेले आहे. त्यामुळे हिवरखेड या गावासाठी मतदान केंद्र क्रमांक 75 हे हिवरखेड येथे स्थलांतरीत करण्याबाबत मान्यता प्राप्त झालेली आहे. केंद्र क्रमांक 75-माळखेडमध्ये यापुर्वी असलेले वर्दडा येथील मतदार हे मतदान केंद्र क्रमांक 76-माळखेड ला जोडण्यात आलेले आहे. कारण वर्दडा हे गांव माळखेडला जवळ आहे.

                        215-पारडी – यापुर्वी मतदान केंद्र क्र. 215-पारडी या मतदान केंद्राला बोराखेडी येथील मतदार संलग्न करण्यात आलेले होते. परंतु पारडी व बोराखेडी या गावच्या मध्ये धरण झाल्यामुळे बोराखेडी येथील मतदारांना पारडी येथे येण्यास 10 कि.मी. अंतर निर्माण झालेला आहे. त्यामुळे यापुर्वी पारडी येथे असलेले मतदान केंद्र क्रमांक 215 हे बोराखेडी येथे स्थलांतरीत करण्याबाबत मान्यता प्राप्त झालेली आहे. मतदान केंद्र क्रमांक 215 ला यापुर्वी जोडण्यात आलेले पारडी येथील मतदार 214 पारडी या मतदान केंद्राला संलग्न करण्यात आलेले आहे.

26-खामगांव विधानसभा मतदारसंघ

                मतदान केंद्र क्र.17-खोलखेड – खोलखेड येथील जि.प.मराठी शाळेची इमारत पडल्यामुळे सदर मतदान केंद्र जि.प.मराठी शाळा नविन इमारत खोली क्र.-1 खोलखेड मध्ये मान्यता प्राप्त झालेली आहे.

                मतदान केंद्र क्र.134,135 व 136-खामगांव – छत्रपती शिवाजी महाराज न.प. मराठी शाळा क्र.2 खामगांवची इमारत पाडल्यामुळे त्याच शाळेच्या आवारात खालील ठिकाणी मतदान केंद्र मान्यता प्राप्त झालेली आहेत. तसेच 134-खामगांव-नगर परिषद, आयुर्वेदिक दवाखाना खामगांव, 135-खामगांव-महाराष्ट्र कामगार कल्याण केंद्र इमारत खामगांव, 136-खामगांव-छत्रपती शिवाजी महाराज नगर परिषद मराठी शाळा नंबर-2 नविन इमारत खोली नं.1 खामगांव या ठिकाणी मान्यता प्राप्त झालेली आहे.

                        याबदलाची नोंद मतदारांनी तसेच उमेदवारांनी घ्यावी, असेही त्यांनी कळविले आहे.

मतदानासाठी पूर्ण पगारी सुटटी

 लोकसभा सार्वत्रिक निवडणुकीत मतदारांना मतदानाचा हक्क बजावता यावा यासाठी मतदानाचा दिवस हा पुर्ण पगारी सुटटीचा दिवस घोषित करण्यात आला आहे. अशी माहिती जिल्हाधिकारी तथा जिल्हा निवडणुक निर्णय अधिकारी किरण कुरूंदकर यांनी दिली.

           

भारत निवडणुक आयोगाने 1951 च्या लोकप्रतिनिधीत्व कायदयाच्या कलम 135 ब अनुसार हा दिवस पगारी सुटटीचा असल्याचे परिपत्रक जारी केले आहे.

           

कोणत्याही आस्थापनेखाली असणाया मतदारांना मतदानाचा हक्क बजावण्यासाठी ही सुटटी आहे. बुलडाणा लोकसभा मतदार संघात 10 एप्रिल 2014 रोजी व रावेर मतदारसंघातील मलकापुर विधानसभा क्षेत्रासाठी मतदानाच्या दिवशी दिनांक 24 एप्रिल 2014 रोजी हि सुटटी असेल.

           

या कलमाच्या उपकलम 1 अन्वये कोणत्याही प्रकारचे भत्ते वा वेतन यांची कपात होउु नये असे स्पष्ट करण्यात आले आहे. अशा प्रकारे एखादयाचे भत्ते वा वेतन यांची कपात करण्यात आली असेल तर मालकास 500 रुपये दंड करण्याची तरतुद या कलमात आहे.

           

आस्थापना व दुकान कायदयानांही वरील बाबी लागु आहेत. जेथे पाळयांमध्ये काम होते अशा सर्व आस्थापना व कारखाने तसेच दुकाने मतदानाच्या दिवशी पूर्ण बंद ठेवण्याचे निर्देश यामध्ये आहेत.

           

एखादया कर्मचायाचे मतदान अन्य लोकसभा मतदारसंघात असेल तर त्याला मतदानासाठी सुटटी देण्याचे बंधनही यात समाविष्ट आहे.

महिलांचे मतदान वाढावे यासाठी विशेष प्रयत्न – किरण कुरूंदकर

 महिलांचा मतदानातील सहभाग वाढावा यासाठी आशा तसेच अंगणवाडी सेविकांच्या मदतीने गावागावात मोहिम राबवावी आणि हे प्रमाण वाढेल याची खात्री करुन घ्यावी असे आवाहन जिल्हाधिकारी तथा जिल्हा निवडणुक निर्णय अधिकारी किरण कुरूंदकर यांनी केले.

            महिलांचा मतदानात असणारा सहभाग जिल्हयात कमी आहे. 2009 च्या लोकसभा निवडणुकीत स्त्री मतदानाचे प्रमाण पुरुष मतदानाच्या तुलनेत दहा टक्क्याहुनही अधिक प्रमाणात कमी झालेले होते. याच्या कारणांचा तपास करुन योग्य त्या उपाययोजना करण्याच्या सुचना त्यांनी दिल्या.

            या संदर्भात आज जिल्हाधिकारी यांच्या कक्षात एका विशेष बैठकीत ते बोलत होते. जिल्हा परिषदेचे मुख्य कार्यकारी अधिकारी ओमप्रकाश देशमुख, उपमुख्य कार्यकारी अधिकारी (महिला व बालकल्याण)       क-हाळे प्रकल्प संचालक ग्रामीण विकास यंत्रणा अनुप शेंगुलकर , उपजिल्हा निवडणुक अधिकारी रमेश घेवंदे, जिल्हा माहिती अधिकारी प्रशांत दैठणकर तसेच आरोग्य विभागाच्या अधिकायांची या बैठकीस उपस्थिती होती.

            महिलांना याबाबत सातत्याने गावात बैठका घेवून आशा व अंगणवाडीताई यांच्या मदतीने मतदानासाठी प्रोत्साहीत करणे आवश्यक आहे. त्याचसोबत सक्रिय महिला मंडळे आणि महिला बचत गट तसेच माविमच्या माध्यमातून महिला मतदारांना मतदानासाठी प्रवृत्त करणे गरजेचे असल्याचे किरण कुरूंदकर म्हणाले.

मतदार जागृतीच्या उपक्रमाचा एक भाग म्हणून जिल्हाधिकारी तथा जिल्हा निवडणूक निर्णय अधिकारी 05-लोकसभा मतदारसंघ किरण कुरुंदकर यांनी मतदारांना लिहिलेले अनौपचारिक छापिल पत्र आज वृत्तपत्रांमधून घराघरात पोहचले आहे. याच्या धर्तीवर महिला मतदारांना आवाहन करणारे जिल्हाधिकारी व मुख्यकार्यकारी अधिकारी यांच्या स्वाक्षरीचे एक पत्र पाठविण्यात यावे असे निर्देश जिल्हाधिका-यांनी यावेळी दिले.

                        वृत्तपत्रे तसेच केबल वाहिन्या आणि इतर माध्यमातून मतदार जागृतीचे उपक्रम सुरु आहेत त्यातही महिला मतदारांना प्रो-साहित करुन त्यांना मतदानासाठी प्रवृत्त करण्यासाठी विशेष प्रयत्न येत काळात करण्याच्या सूचना कुरुंदकर यांनी दिल्या.

उमेदवारांना निवडणूक चिन्हांचे वाटप

बुलडाणा, दि. 26

05 बुलडाणा लोकसभा मतदारसंघात 17 उमेदवार रिंगणात आहेत. या उमेदवारांची निवडणूक चिन्ह वाटप आज निरीक्षक मोहन चक्रवर्ती यांच्या उपस्थितीत पार पडले.

     उमेदवार व त्यांचे निवडणूक चिन्ह खालील प्रमाणे.

अ. क्र.	उमेदवारांचे नांव	पक्ष	निवडणूक चिन्ह
1	अ. अफीस अ. अजीज	बहुजन समाज पार्टी	हत्ती
2	इंगळे कृष्णराव गणपतराव	नॅशनॅलिस्ट काँग्रेस पार्टी	घडयाळ
3	जाधव प्रतापराव गणपतराव	शिवसेना	धनुष्यबाण
4	गवई परमेश्वर हिरामण	आंबेडकरिस्ट रिपब्लीकन पार्टी	फलंदाज
5	पवार रविंद्रसिंग रामसिंग	लोक भारती	पाटी
6	श्रीमती प्रभाताई मधुकर पार्लेवार	नारायणी सेना	बासरी
7	ॲड. रविंद्र ज्ञानदेव भोजणे	आंबेडकराईट पार्टी ऑफ इंडिया	कोट
8	वसंतराव सुखदेव दांडगे	समाजवादी पार्टी	सायकल
9	सुर्वे सुधीर बबन	आम आदमी पार्टी	झाडू
10	संदेश अशोक आंबेडकर	बहुजन मुक्ती पार्टी	खाट
11	अशोक राजाराम राऊत	अपक्ष	नारळ
12	कृष्णाराव सहादु इंगळे	अपक्ष	बॅट
13	चिंचोले गंगाराम काळूजी	अपक्ष	मेनबत्ती
14	दराडे बालासाहेब शंकर	अपक्ष	कपबशी
15	नामदेव पुंडलिक डोंगरदिवे	अपक्ष	पतंग
16	संजय महादेव वानखडे	अपक्ष	दुरदर्शन
17	संबारे दिनकर तुकाराम	अपक्ष	पेनाची निब सात किरणांसह

बुलडाण्यात कायदा व सुव्यस्था मजबुत-श्यामराव दिघावकर

जिल्ह्यात होणाऱ्या लोकसभा निवडणूकीच्या पार्श्वभूमीवर कायदा व सुव्यवस्थास्थिती अबाधित राखण्‍यासाठी व गुन्हेगारावर वचक राहण्यासाठी संपुर्ण बुलडाणा जिल्ह्यात आंतरराज्य सिमा आणि आंतरजिल्‍हा सिमा सिल करुन गुन्हेगारांना आळा घालण्यासाठी कोबींग ऑपरेशन चालवले असुन पथसंचलन सुरु असुन दारु, जुगार तसेच अवैध शस्त्राबाबत तपासणी सुरु आहे. त्यासाठी महाराष्ट्र दारुबंदी कायद्यानुसार आदर्श आचारसं‍हिता अवैद्य दारु विक्रीच्या 193 केसेस मध्ये 200 इसमांना अटक करुन 226887/- रु. माल जप्त करण्यात आला आहे. तसेच जुगार कायद्यान्वये 44 केसेसमध्ये 108 इसमांना अटक करुन 54535/- रु. जप्त करण्यात आले आहे. सी.आर.पी.सी. कलमान्वये 1893 व मुंबई पोलीस कायद्यान्वये 121 प्रतिबंधक केसेस करण्याचे प्रस्तावित असुन आचासंहिता लागू झाल्यापासून आजपावेतो CRPC कलमान्वये 1352 व मुंबई पोलीस कायद्यान्वये 256 इसमाविरुध्द प्रतिबंधक कारवाई करण्यात आली आहे. तसेच सन 2009 मधील लोकसभा निवडणूक, विधानसभा निवडणूक तसेच ग्रामपंचायत, पंचायत समिती, जिल्हा परिषद, नगर पालिका निवडणूकीत दाखल झालेल्या गुन्ह्यातील 252 इसमाविरुध्द सुध्दा कारवाई करण्यात येत आहे.

निवडणूकीत मोठ्या प्रमाणावर पैशाचा वापर रोखण्यासाठी सात विधानसभा मतदार संघात प्रत्येकी 3 असे 20 फ्लाईंग स्कॉड ची नियुक्ती करण्यात आली असून त्यात प्रत्येकी एक पोलिस अधिकारी व महसुलचे अधिकारी व कर्मचारी नेमण्यात आले आहे. तसेच प्रत्येकी पोलिस ठाणे येथे पथक तयार करुन व्हिडीओ कॅमेरे देवून आदर्श आचार संहितेचा भंग होणार नाही, संशयीत ठिकाणी व्हिडोओ चित्रीकरण करण्यात येत असून यापुर्वी ज्या ठिकाणी पैशाचे व्यवहार झाले त्या विशेष भागात निवडणूकी दरम्यान पैशाचे वाटप होणार नाही याकडे विशेष लक्ष केंद्रीत करण्यात आले आहे.

जिल्ह्यात येणाऱ्या आंतरराज्य सिमा 02 आणि आंतरजिल्हा सिमा 012 असे एकूण 14 नाके उभारण्यात आले असून त्यामध्ये 02 पोलीस अधिकारी व 116 पोलीस कर्मचारी लावण्यात आले आहेत. सदर नाकाबंदी दरम्यान पोस्टे डोणगांव येथे दि. 20 मार्च 2014 रोजी गुटखा एकूण 3200 पाकीट व वाहनासह किंमत 257000/- रु. चा माल तसेच पो.स्टे. देऊळगांव राजा दि. 21 मार्च 2014 रोजी गुटखा एकूण 284 पुड्या किंमत 56800/- रु. चा माल पकडण्यात आला आहे व पोलीस स्टेशन मलकापूर शहर येथे दि. 21 मार्च 2014 रोजी काशिराम सावळाराम जाधव, रा. शिवाजी नगर, मलकापूर यांची अवैध शस्त्राबाबत घर झडती घेतली असता घराचे मागचे खोलीमध्ये एक लोखंडी तलवार लांबी 32 इंच साडेचार इंच मुठ असलेली घरात अवैधरित्या मिळून आल्याने जप्त करण्यात आले आहे. पोलीस स्टेशन चिखली शहरात पेट्रोलींग व चेकींग करीत असताना इसम नामे 1) सौरव गोविंद थोरात रा. बोरी ता. जिंतूर जि. परभणी  2) स्वप्नील सुनिल चौधरी रा. नशिराबाद ह. मु. जळगांव खां. एका आरोपीच्या कमरेला एअर पिस्टल आढळून आल्याने जप्त करण्यात आले आहे.

मद्य तस्करी व निवडणूक काळात मद्याचा वापर रोखण्यासाठी 20 फ्लाईंग स्कॉड व स्थानिक गुन्हे शाखेतील 2 पथक तसेच आंतर राज्य सिमा व आंतर जिल्हा सिमा वरील 14 नाके व राज्य उत्पादन शुल्क यांचे मदतीने उपाययोजना आखण्यात आली आहे. आदर्श आचारसंहिता काळात दारु विक्री करणाऱ्या व जुगार खेळणाऱ्या गुन्हेगारांवर विशेष मोहिम राबविण्यात येत आहे तसेच दारु वाहतूक करणाऱ्याविरुध्द वाहतूक शाखेकडून सुध्दा विशेष मोहिम राबविण्यात येत आहे. आचारसंहिता लागू झाल्यापासून अवैध दारु विक्रीच्या 193 केसेसमध्ये 200 इसमांना अटक करुन 226887/- रु. माल जप्त करण्यात आला तसेच जुगार कायद्यान्वये 44 केसेसमध्ये 108 इसमांना अटक करुन 54553/- रु. जप्त करण्यात आले आहे.

या निवडणूकीत जिल्ह्यातील 1 पोलीस अधिक्षक, 2 अप्पर पोलीस अधिक्षक, 6 पोलीस उप अधिक्षक, 26 पोलीस निरीक्षक, 37 सहाय्यक पोलीस निरीक्षक, 62 पोलीस उप निरीक्षक, 2294 पोलीस कर्मचारी बंदोबस्त कामी लागणार असून लोकसभा निवडणूक बंदोबस्त कामी बाहेरुन 2 पोलीस उप अधिक्षक, 6 पोलीस निरीक्षक (C.I.D.), 85 प्रो. पोउपनि, 1 पोलीस उप निरीक्षक (रेल्वे), 100 पोलीस कर्मचारी (रेल्वे), 450 RPC (पीटीएस जालना), 150 महिला RPC (पीटीएस खंडाळा), 1000 पुरुष होमगार्ड, 200 महिला होमगार्ड याप्रमाणे एकूण 2 Dy.S.P., 6 P. I., 86 PSI, 550 कर्मचारी, 150 महिला कर्मचारी व 02 कंपनी SRPF हे निवडणूक बंदोबस्त कामी येणार आहेत तसेच RPF ची एक कंपनी बंदोबस्त कामी जिल्ह्यात दि. 19 मार्च 2014 रोजी पासून तैनात करण्यात आलेली आहे. सद्या बुलडाणा पोलीस दलात एकूण 229 लहान मोठे वाहने असून बंदोबस्त कामी 156 अतिरिक्त वाहनांची आवश्यकता भासणार असून त्यासाठी जिल्हाधिकारी बुलडाणा यांच्याकडे मागणी करण्यात आली आहे. असे एकूण 385 वाहनांचा वापर सेक्टर पेट्रोलींग, झोन पेट्रोलींग, राखीव बंदोबस्त यांच्यासाठी करण्यात येणार आहे. सायबर गुन्हे रोखण्यासाठी व इंटरनेटचा गैरवापर रोखण्यासाठी स्थानिक गुन्हे शाखा 2 स्कॉड नेमण्यात आले असून तसेच जिल्ह्यातील सर्व पोलीस स्टेशन अधिकाऱ्यांना खास स्कॉड नेमण्याबाबत आदेश दिले असून जिल्ह्यातील इंटरनेट कॅफेवर बारकाईने लक्ष ठेवण्याबाबत आदेश देण्यात आले आहे. बुलडाणा जिल्ह्यात अतिसंवेदनशील 2 बुथ असून संवेदनशील 108 बुथ व क्रिटीकल 9 बुथ आहेत. जाती सलोखा राखून निवडणूक शांततेत पार पाडण्यासाठी पोलीस पाटील, पोलीस मित्र मंडळ, शांतता समिती, मोहल्ला समिती तसेच तंटामुक्ती अध्यक्ष व सदस्य यांच्या मिटींग घेण्यात आल्या आहेत तसेच या काळात जाती सलोखा बिघडविण्याच्या घटना घडणार नाही. पुतळा संरक्षण समिती यांना जबाबदारीने सतर्क राहण्याबाबत सुचना देण्यात आल्या असून जिल्ह्यात गुड मॉर्निंग स्कॉड नेमण्यात आले आहे. जिल्ह्यातील सर्व पोलीस कर्मचारी यांचे निवडणूक कार्य प्रमाणपत्रासाठीचा अर्ज भरुन घेण्याचे काम सुरु आहे. त्याप्रमाणे त्यांना जेथे निवडणूक बंदोबस्त असेल तेथे त्यांना मतदान करणे शक्य होईल व जे अधिकारी/कर्मचारी जिल्ह्याबाहेर मतदान करणारे असतील त्यांचे पोस्टल मतपत्रिका जिल्हा निवडणूक निर्णय अधिकाऱ्यांचे नांवे अर्ज भरुन घेण्याचे काम सुरु आहे तसेच जे अधिकारी व कर्मचारी त्यांच्या मूळ मतदार संघात बंदोबस्त कामी नसले तरीही ते ज्या ठिकाणी बंदोबस्तात असतील त्या ठिकाणी सुध्दा ते आपल्या मतदानाचा उपयोग करु शकतील कारण लोकसभा मतदार संघ हे एकच आहे. पोलीस उपअधिक्षक (मुख्या.) बुलडाणा यांना नोडल ऑफीसर म्हणून नेमण्यात आले असून पोस्टल मतपत्रिकांची प्रक्रिया ते पूर्ण करीत आहेत.